الرئيسية / سياسة / تدشين الصفحة الرسمية لحملة: مصر بوش تاني لترشيح كنكة في مواجهة السيسي
كل واحد وواحدة يصور نفسه مع أي كنكة ويرفعها على السوشيال ميديا تحت هاشتاج: #مصر_بوش_تاني
كل واحد وواحدة يصور نفسه مع أي كنكة ويرفعها على السوشيال ميديا تحت هاشتاج: #مصر_بوش_تاني

تدشين الصفحة الرسمية لحملة: مصر بوش تاني لترشيح كنكة في مواجهة السيسي

بسم الله الرحمن الرحيم

أيها الشعب السكر زيادة في الوطن المظبوط

سيبكم بقا من الشعب السيد والوطن السيد و الكلام المجعلص ده..احنا مش هنشتغل بعض..لا أنت سيد..ولا البلد سيد..وسيد نفسه تم اعتقاله.
أيها الشعب المزنوق..البلد بقت بكابورت..ومش بكابورت عادي يعني من اللي فيه مناديل معطرة وشغل فنادق القطامية ده..لا..بكابورت مستشفى عام ماتضنضفش من أيام ريا وسكينة..

كلنا عارفين ايه اللي بيحصل ليك يا مواطن في الاقسام والمستشفيات والمدارس والمواصلات والشوارع وفي كل حتة..ماليكش كرامة والعشرة منك بنص جنيه مخروم..فمش هاشتغلك

الشعب ده طبقات…طبقة الباشوات والبهوات اللي بياكلوها والعة..وطبقة الناس الغلابة اللي زيك اللي بياكلوها على قفاهم

وكان فيه أمل الوضع ده يتغير في ٢٥ يناير بس أنت عارف وأنا عارف وحتى أم نيازي مش محتاجة حد يعرفها ايه اللي حصل وربنا يجازي اللي كان السبب..

المهم..دلوقتي السيسي نازل وفاتح صدره وأي بشري من جنس آدم بيترشح قدامه بيعتقله..فقولنا -نحن الكنكة- نتوكل على الله ونترشح..سائلا كلا منكم فعل الآتي:
١- كل واحد وواحدة يصور نفسه مع أي كنكة ويرفعها على السوشيال ميديا تحت هاشتاج: #مصر_بوش_تاني..

٢- اللي يعرف يرسم جرافيتي في أي مكان بصورتي وشعاري زي الصورة المرفقة يبقا برنس

وهاعتبر ده تفويض وأمر اني أنزل الانتخابات أمام السيسي..والله الموفق

مرشحكم: الكنكة

 

مصر بوش تاني

مصر بوش تاني

مصر بوش تاني

مصر بوش تاني

التعليقات

تعليق

عن admin

Shares